Heute Abend wurde mit Jürg Stocker, der Trainer verabschiedet, der unseren Verein am meisten geprägt hat. Eine Ära geht zu Ende.
Dazu passen die Worte perfekt, welche uns während des Apéros erreicht haben:
Dazu passen die Worte perfekt, welche uns während des Apéros erreicht haben:
Liebe Jürg, Liebi Lichtathletikfamilie
Hütte hesch Du, Jürg, nach fascht 40 Joor Dis letzte Training gäh und im Rahme vo däm würd ich gärn es paar Wort sage. Jürg, Du hesch s’Läbe vo so viele junge Lüüt mit Dim Training prägt.
Zueferlässig bisch immer uf em Platz gstande und hesch Dis grosse Wüsse wiitergäh. Mini Eltere händ mir unzähligi Mol verzellt, de Jürg heigi in de Afangsjoor vom Muttenzer Lichtathletik immer
gseit, er wölli ‘die junge Lüüt vo de Stross hole’ und ihne dChance gäh in ihrer Freiziit öbbis Sinnvolls z’mache.
Rückblickend könne mer sage, Du hesch das Ziel erreicht. Jürg, Du hesch Generatione vo Jugendliche und junge Erwachsnige prägt. Stehts uf Augehöchi bisch Du Dine Athlete entgegeträtte. Au de
nötigi Ehrgitz und d’Zielstrebigkeit sind derbii nie zu kurz ko. Dini Athlete händ durch Di grossartige Isatz d’Chance erhalte ihri Ziel z’erreiche und ihrne Träum z’folge. Mit derbii isch au
immer e ganzi Mängi Humor am Start gsy. Ich erinnere mich an eine vo de viele ‘Schnällschte Muttenzer’ wo de Jürg de Speaker gsy isch und er am Obe vorhärt im Training gseit het, es sigi ihm
eigentlegg egal wer wie schnäll rennt, er würdi bi de Siegerehrig eifach die Person als erschts ufrüefe wo Ihm e Pizza spendiert. Nachdäm ich am Wettkampfdaag e gmolti Pizza ins Speakerhüüsli
gleggt ha, hett er tatsächligg denn bi de Siegerehrig zerscht mi Name ahtönt, bevor er de rächtmässigi Schnällscht Muttenzer kürt het.
Liebe Jürg, Du hesch durch Dis Engagement i däm Verein vieli Gsichter zum strahle broocht und mir hoffe, dass Du dodrin au Zfriedeheit für Dich hesch könne finde. Durch Dis Training, em Gründe
vom 100er Club, em langjährige Isatz als Presidänt und no vielem mehr, isch s’Muttenzer Lichtathletik zu däm worde was mir jetzt mit Stolz könne zeige.
Au de Silvi gilt e riese Dank, stehts am Jürg sinere Siite hesch Du s’Wettkampfbeizli gschmisse, und s’Lichtathletik mit Herzbluet unterstützt. Im Trainingslager bisch Du für uns Athlete immer e
Art Mami gsy, was grad für die Jüngere vo uns e enormi Bedütig gha het. Mir Danke vo ganzen Härze em Jürg und de ganze Familie Stocker, welli dä Verein ufbaut händ und s’Läbe vo mehr junge Lüüt
verbessere, als dass sie sich das wohrschiinlich könne dänke.
Proscht uf de Jürg und d’Familie Stocker!
- E Athletin vom TV Muttenz athletics
Kommentar schreiben
Jürg (Mittwoch, 31 August 2022 22:51)
Ich weiss sehr genau wer diese Pizzakurierin war� und sage danke für diese berührenden Zeilen.
Ich bedanke mich auch ganz herzlich für das sehr überraschende Geschenk für Silvia und mich. Mir hat es heute fast die Sprache verschlagen und das kommt bei mir eher selten vor�.
„Am schwersten ist es sich zu verabschieden, wenn man muss, aber nicht will. Aber ich will und deshalb ist es ein wunderbarer Zeitpunkt für mich!“
Ein Leichtathletiktrainer und sehr guter Freund hat mir einmal gesagt:“Unser Job ist es nicht, dass unsere Athletinnen und Athleten zu den Besten gehören müssen, unser Job ist es, sie täglich besser zu machen!
In diesem Sinne wünsche ich Euch allen, ob im Trainerteam, als Athletin oder Athlet viel Freude bei der Ausübung einer faszinierenden Sportart �!
Sonja Schaffner (Freitag, 02 September 2022 12:47)
Das isch e so e schöns Komplimänt für dy Jürg und so zueträffend.
Au mi hesch du immer mit dynere Ystellig zu de junge Lüt inspiriert. Ich säg au immer" alli Chind wo bi eus in dr Halle sind, sind nit uf dr Stroos" und das hett je länger je mehr si Richtigkeit. Dass mir zu Afangszytte vom Schnällscht Muttenzer uf euchi Trainer*inne händ dörfe zelle, wo de Kids s richtige "laufe" zeigt händ, isch nit sälbverständlich gsi.
Vo minere Sitte, wünsch ich dir numme s Beschte für d Zuekunft. Liebi Grüess Sonja
Thommy Lejeune (Samstag, 03 September 2022 18:01)
Härzlige Dangg, Jürg & Silvia, was ihr für d‘Liechtathletik und die viile AthletInne händ gmacht! Merci!
Alles Gueti und Gsundheit winsch i euch!
LG Thommy